Nikki Gil reunites with Iya Villania, Drew Arellano, and other celebrity friends

Muling nagkita-kita ang mga magkakaibigan at dating celebrity Vjs na sina Nikki Gil, Iya Villania at Luis Manzano--kasama ang kanilang mga asawa na sina BJ Albert, Drew Arellano, Jessy Mendiola--at aktres na si Shaina Magdayao.

Sa Instagram, ipinost ni Nikki ang mga larawan ng kanilang masayang reunion, na ginanap sa kanilang tahanan.

"Marehan 2022 ANG SAYA huhuhuhu missed you guuuuys!! Swipe to see kung sino ang bangka as usual @luckymanzano @iyavillania @shaina_magdayao @senorita_jessy @drewarellano," caption ni Nikki sa kanyang post.

Makikita rin sa isang larawan na ipinost ni Nikki ang matching outfits ng celebrity couple na sina Iya at Drew na nakasuot ng floral printed polos.

Sa comment section, ilang celebrities din ang nagpahayag ng tuwa sa muling pagkikita ng mga magkakaibigan gaya nina Iza Calzado at Isabelle daza.

"So fun!!!," komento ni Isabelle.

"OMG hiiiii guys!!!!! Miss you!!!!," saad naman ni Iza.

Looking forward daw ang celebrity mom na si Nikki na masundan pa ang kanilang ginawang reunion.

Samantala, silipin naman ang ilang naging online reunions ng showbiz groups at programs habang may quarantine sa gallery na ito.