Abangan ang natatanging pagganap nina LJ Reyes, Chynna Ortaleza at Tonton Gutierrez sa 'Anak sa Kasinungalingan' ngayong Sabado, February 24, sa 'Magpakailanman.'
Tampok sa episode na ito sina LJ Reyes at Chynna Ortaleza.
Gaganap sila bilang sina Ana (LJ) at Grace (Chynna), matalik na magkaibigan na kalaunan ay nagkaroon ng kakaibang pagtingin sa isa't isa.
Hindi naging madali para sa tatay ni Grace na si Junior na tanggapin ang relasyon nito kay Ana.
Dahil sa pangungulila kay Grace na nasa ibang bansa, may nangyari kina Ana at Junior. Hindi nagtagal ay nalaman ni Ana na buntis siya.
Nanganak siya at nakaisip ng idadahilan kay Grace pag-uwi nito.
Anong kasinungalingan kaya ang handa siyang panindigan para protektahan ang pagsasama nila ni Grace? Alamin ngayong Sabado sa 'Magpakailanman.'