Around GMA

Article Inside Page

Sa ikawalong linggo ng I Hear Your Voice, patuloy na itinatago ni Zach ang katotohanan tungkol sa kaniyang kapangyarihan mula kay Hayley. Ngunit dahil sa kaso ni Damian Hwang, nagdadalawang-isip ang binata kung tama pa bang itago ang katotohanan mula kay Hayley.

Habang inaasikaso ang kaso ni Damian Hwang ay hindi maiwasang isipin ni Hayley na sana ay nanumbalik na ang kapangyarihan ni Zach upang makatulong sa pagtunton sa anak ni Damian Hwang. Lingid sa kaniyang kaalaman, matagal nang nanumbalik ang abilidad ng binata. Pero kahit si Zach mismo ay nagdadalawang-isip kung itatago pa ba niya ang panunumbalik ng kaniyang kapangyarihan mula kay Hayley.

Sa kamangha-manghang pagkakataon, natuklasan ni Zach na ang tunay na anak ni Damian Hwang ay walang iba kung hindi si Doreen. Dahil sa pagsisinungaling na kaniyang ginawa, naipakulong ng asawa ni Damian Hwang ang kaniyang asawa at napilit si Judge Seo, ang husgado na nagpataw ng hatol, na palakihin ang kaniyang anak.

Patuloy na subaybayan ang I Hear Your Voice, Lunes hanggang Huwebes, 11:30 p.m., sa GMA.