Around GMA

Article Inside Page

Bukod sa paghanga ni Alden Richards sa kaniyang co-lead star na si Bea Alonzo para sa pinakaunang drama series na kanilang pagsasamahan, isang aktres pa ang labis na hinahangaan ngayon ng Asia's Multimedia Star.

Sa katatapos lang na Start-Up Ph online media conference, ibinahagi ni Alden sa GMANetwork.com na may naitutulong si Gina Alajar sa kaniya bilang isang aktor.

Kuwento ng Kapuso actor, “Feeling ko after nitong (Start-Up Ph) bitin ako working with Direk Gina Alajar. Sobrang sarap niya ka-eksena. Direk Gina has been in the industry for the longest time and she has this certain comfort na ibinibigay sa akin na hindi niya alam. May naibibigay kasi siyang comfort sa akin in every scene that we do at mas marami akong naibibigay na emotions and bonus reactions because of that. Sana this won't be the last… Sana mabigyan pa ako ng opportunities to work with her in future projects kung hindi man movies something original kasi ang sarap niyang ka-eksena, sobra.”

Sa Philippine adaptation ng hit Korean series na Start-Up sa GMA, mapapanood ang veteran actress na si Gina bilang si Lola Ligaya “Joy” Sison, ang selfless at mapagmahal na lola nina Danica (Bea Alonzo) at Katrina (Yasmien Kurdi). Siya rin ang kukupkop kay Tristan “Good boy” Hernandez, ang karakter na gagampanan naman ni Alden Richards.

Abangan sina Gina Alajar, Alden Richards, at iba pang star-studded cast sa nalalapit na pagpapalabas ng upcoming drama series na Start-Up Ph sa GMA Telebabad.

SAMANTALA, KILALANIN ANG STAR-STUDDED CAST NG START-UP PH SA GALLERY NA ITO: