Ice Seguerra is the director of 'Drag Race Philippines: Untucked'

Proud na ibinahagi ng dating Film Development Council of the Philippines chairman na si Liza Diño-Seguerra na ang kaniyang asawa na si Ice Seguerra ang napiling direktor ng isang segment ng Drag Race Philippines na pinamagatang "Untucked."

Sa Isang Facebook post, ibinahagi ni Liza ang ilang piling larawan kung saan makikita ang pagtatrabaho ni Ice bilang direktor ng nasabing segment.

Kuwento ni Liza, "Yup. Cat's out of the bag. My husband, Íce Diño Seguerra, is the director of Drag Race Philippines "Untucked" series and all the werkroom scenes of Drag Race Philippines (main show).

"I feel nothing but pride as you embrace this new path as a director. Grabe ka din magpasabog. Directorial debut mo pa lang eh global na, tapos reality series pa. To top it all off, paborito pa nating show. Waaaah!," dagdag pa niya.

Nagpasalamat din si Liza sa produksyon ng nasabing international show dahil sa tiwala na ibinigay nito sa kaniyang asawa.

Aniya, "Thank you, World of Wonder, the production company of RuPaul and Full House Asia, the local production company of the show which brought the Drag Race franchise to the Philippines --- Miss Gina, Yanna, Alex, and Maricel for trusting my hubby with this very important project that puts Philippine drag front and center for the world to experience. To La Ni, Hanysofia, Josel and the camera team, kuya Dong and lahat ng tech, salamat sa tiwala kay Ice."

Natutuwa rin si Liza dahil nahuli umano ni Ice ang emosyon ng mga manonood sa ginawa niyang treatment na hinihingi ng segment kung saan makikita ang touching moments ng drag queens.

"My love, first two episodes pa lang, kita ang hard work ng werkroom team because it was there where the most beautiful and touching moments in #dragracePH were caught on camera. Kung wala ka para sumalo sa mga moments na 'yun, together with your team, di namin mararamdaman ang pagkapinoy ng series na 'to kasi nandun 'yung mga drama-rama sa hapon na eksena. Thank you, love, for capturing the hearts of these queens," saad ni Liza.

Dagdag pa niya, "I love you, and I'm so proud of you my love. Slaaaay!"

Ang Eat Bulaga host naman na si Paolo Ballesteros na kilala rin dahil sa kaniyang mga make-up transformations ang napiling host ng Drag Race Philippines na mapapanood tuwing Miyerkules ng gabi sa Wow Presents Plus, Discovery Plus, at HBO Go, habang tuwing Biyernes ng gabi naman mapapanood ang segment na "Untucked" kung saan direktor si Ice.

SAMANTALA, SILIPIN ANG MGA LARAWAN SA NAGING SECOND HONEYMOON NINA LIZA AT ICE SA GALLERY NA ITO: