Elijah Alejo shares behind the scenes of 'Underage' taping
Nasa lock-in taping ngayon si Kapuso star Elijah Alejo para sa upcoming GMA afternoon drama series na Underage.
Sa Instagram, ipinasilip ng young actress ang ilang behind the scenes ng kanilang taping. Makikita rin sa video ang ibang co-stars ni Elijah tulad nina Lexi Gonzales at Hailey Mendes, pati na rin ang production staff ng serye.
Bukod dito, isa sa locations na mapapanood sa video ay sa sementeryo.
“A sneak peek #Soon #Underage,” sulat ni Elijah sa caption.
Sa Underage, bibigyang buhay ni Elijah ang role bilang Chynna Serrano habang sina Lexi at Hailey ay gaganap bilang sina Celine at Carrie Serrano.
Kabilang din sa cast ng upcoming serye sina Kapuso actors Gil Cuerva at Vince Crisostomo.
Mapapanood din dito sina Sunshine Cruz, Snooky Serna, Jean Saburit, Yayo Aguila, Christian Vasquez, at Jome Silayan.
May special participation naman sa Underage sina Smokey Manaloto at Sparkle actor Nikki Co.
SAMANTALA, KILALANIN SI ELIJAH ALEJO SA GALLERY NA ITO.