Winwyn Marquez, na-starstruck nang makasama sa bagong pelikula si Nora Aunor

Apat na buwan matapos manganak sa first baby niyang si Luna Teresita Rayn, balik-pelikula na si Winwyn Marquez para sa horror film na Ligalig.

Ilan sa batikang mga aktor na makakasama ni Winwyn sa pelikula ay sina Snooky Serna, Allen Dizon, at Superstar National Artist for Film and Broadcast Arts Nora Aunor.

Photo by: aqprimestream (IG)

Sa interview kay Cata Tibayan ng 24 Oras, ikinuwento ni Winwyn na sobra siyang na-starstruck nang makaeksena ang superstar.

"Kasi mayroon akong eksena na talagang tapatan kami. Alam mo nabulol ako," natatawang kuwento ng aktres. "Nabulol ako kasi sabi ko parang hindi ako makapaniwala. Ano lang siya very mabait na parang okay lang 'yan."'

Makakasama rin ni Winwyn sa pelikula sina Devon Seron, RS Francisco, Shido Roxas, Yana Fuentes, Justin Reyes, Lindt Johnston, at Yñigo Delen.

TINGNAN ANG NEWBORN PHOTOS NG ANAK NI WINWYN MARQUEZ NA SI BABY LUNA RITO: