Around GMA

Article Inside Page

Tila hindi pa rin nagbabago ang pagkahumaling ni Herlene Budol kay Asia's Multimedia Star Alden Richards.

Sa media conference ng bagong produktong ini-endorso niya, ang Rejuviant body wash and lotion, muling inihayag ng beauty queen-actress na si Herlene na "ultimate crush" niya ang Star-Up PH lead actor na si Alden.

Bilang patunay, ibinahagi pa ni Herlene na nagka-cutting pa siya noon para lang mapanood si Alden!

“Sana gusto rin ako. Si Alden nga kasi nga bet ko nga talaga siya," aniya.

"Nagka-cutting talaga ako, yung sa ano, yung Yaya Dub na 'yon saka siya. Nung 'di pa sila nagkikita. Ay! Hindi ako papasok, magkikita na raw sila. Pagdating sa T, 'di pala magkikita, hinaharangan, so si Alden Richards ang bet ko.” sabi niya.

View this post on Instagram

A post shared by Herlene Nicole Budol (@herlene_budol)

Binanggit rin ni Herlene na noon ay nanakawan niya ng halik si Alden!

“Naamoy ko siya, kiniss ko pa nga siya, e. Ayun na-bash ako. Na-bash talaga ako doon, I love it!

Gusto ko yung ano, e, may nanggigigil lalo. Kahit naman sino, kung nakita mo yung idol mo lahat gagawin mo, kung pwede ko nga lang hindi na pakawalan 'yon 'di ba?

Diin pa niya, "Siyempre, tao lang din ako, humahanga.”

Kung sakali, gusto raw makatrabaho ni Herlene si Alden sa isang proyekto.

Biro pa niya, "Pasok na lang siguro akong PA [personal assistant] niya."

Si Herlene ay nanalo bilang first-runner up sa Binibining Pilipinas 2022 at kamakailan lang ay nagtapos ng kolehiyo sa kursong Bachelor of Science in Tourism Management.

BALIKAN ANG BINIBINING PILIPINAS JOURNEY NI HERLENE SA GALLERY NA ITO: