Around GMA

Article Inside Page

Kaabang-abang ang pagbabalik big screen ng Eat Bulaga host na si Joey de Leon kasama ang dating dabarkads na si Toni Gonzaga sa pelikulang The Teacher.

Ang naturang pelikula ay isa sa mga kalahok sa Metro Manila Film Festival ngayong taon na ididirehe ng mismong mister ni Toni na si Paul Soriano.

Sa Instagram, ipinasilip ng TV host-actress ang ilang mga larawan ng kanilang magiging karakter ni Joey sa nasabing pelikula.

"My Teacher...#mmff2022," caption niya sa kanyang post.

Tingnan ang post na ito sa Instagram

Isang post na ibinahagi ni Toni Gonzaga-Soriano (@celestinegonzaga)

Makikita rito na nakasuot ng uniporme ng estudyante si Joey habang nakauniporme naman na pang-guro si Toni.

Spotted din sa nasabing mga larawan ang dating First Lady actress na si Kakai Bautista na nakasuot din ng uniform ng isang teacher at dating Widow's Web actress na si Pauline Mendoza naman bilang estudyante.

Wala pa mang inilalabas na trailer o iba pang detalye tungkol sa pelikula, nagbigay na ng suporta ang kaibigan at kapwa TV host ni Toni na si Mariel Rodriguez-Padilla.

"Omggggggg wow! No exag na-goosebumps ako hehehehe," komento ni Mariel.

Maituturing na reunion nina Joey at Toni ang nasabing pelikula dahil minsan na ring naging host ng longest-running noontime show sa bansa na Eat Bulaga si Toni noong 2022 hanggang 2005 kung saan nakasama niya ang tinaguriang 'henyo master.'

Tumutok naman sa Eat Bulaga, Lunes hanggang Biyernes, 12 p.m.; at tuwing Sabado, 11:30 a.m. sa GMA.

SILIPIN ANG MASAYANG PAMILYA NI JOEY DE LEON SA GALLERY NA ITO: