Around GMA

Article Inside Page

Nangangamba ngayon ang social media influencer na si Zeinab Harake dahil sa biglang pagkawala ng kanyang Facebook page na mayroon nang 13 million followers.

Bukod kay Zeinab, burado na rin ngayon ang Facebook pages ng vlogger at aktres na si Ivana Alawi.

Sa Twitter, agad na ni-retweet ni Zeinab ang post ni Ivana tungkol sa pagiging dismayado sa Facebook o sa Meta dahil sa kawalan ng abiso o ng mensahe sa pagbubura ng kanilang social media accounts. Hindi rin malinaw kung sila ay may violations o reports na naging dahilan ng pagkawala ng kanilang social media pages.

"@facebook @Meta please bring our page back di na nakakatuwa yung stress [crying emoji]," ani Zeinab.

@facebook @Meta please bring our page back di na nakakatuwa yung stress 😭😭😭💔 https://t.co/xSqx3lUJSZ

-- Zebby (@ZeinabHarake11) October 3, 2022

Ayon sa isang report, naglabas din ng saloobin sa isang Instagram Story si Zeinab tungkol sa nangyari sa kanyang Facebook page.

"My 13M page is gone and now pati na rin kay Ivana. Guys, be careful. Nakaka stress 'to [nang] malala. Bigla nila aalisin page mo without any violation or problem," sulat niya sa kanyang post.

Kuwento pa ng content creator, tatlong linggo na siyang humihingi ng sagot sa nasabing app pero wala pa itong tugon sa kanya. Dahil dito, apektado ngayon ang kanyang trabaho at pagpapalabas ng kanyang vlogs.

Aniya, "Three weeks na 'kong nangungulit. Stressed at umiiyak dahil apektado 'yung trabaho ko at lalong-lalo upload ko ng vlogs because of this. Please help us!"

Sa ngayon ay wala pa ring balita kung naayos na ang problemang ito ng dalawang content creators.

NARITO NAMAN ANG ILANG CELEBRITIES NA UMALMA SA KANILANG FAKE SOCIAL MEDIA ACCOUNTS: