Film director Paul Soriano appointed as Presidential Adviser for Creative Communications

Itinalaga na ni President Ferdinand "Bongbong" Marcos Jr. ang film director na si Paul Soriano bilang kaniyang Presidential Adviser for Creative Communications.

Ayon sa report ng GMA News Online ngayong Lunes, October 17, ang kaniyang appointment ay kinumpirma mismo ni Office of the Press Secretary (OPS) officer-in-charge Undersecretary Cheloy Garafil.

Si Paul ay asawa ng TV host at aktres na si Toni Gonzaga at pamangkin ni First Lady Lisa Araneta-Marcos.

Matatandaan na si Paul ang direktor ng maraming campaign advertisements at rallies ni President Bongbong Marcos noong nagdaang eleksyon. Si Paul rin naging direktor ng inagurasyon at unang State of Nation Address ng Presidente.

Ayan sa OPS, nakatakda ang oath taking ni Paul ngayong araw. Hindi pa inilalabas kung ano ang magiging responsibilidad ng direktor bilang Presidential Adviser for Creative Communications.

SAMANTALA, SILIPIN NAMAN ANG ILANG CELEBRITIES NA NAGBIGAY SUPORTA KAY PRESIDENT FERDINAND MARCOS JR. SA GALLERY NA ITO: