Around GMA

Article Inside Page

Matagumpay ang katatapos lamang na New York concert ng phenomenal Pinoy boy band na SB19, na ikalawang destinasyon ng kanilang WYAT (Where You At) world tour.

Dinagsa ng international fans ang Palladium Times Square noong Sabado, November 5, kung saan nag-aalab na ipinakita ng grupo ang kanilang husay at galing.

Proud Filipino moment naman ito para kay Philippine Consul General in New York Elmer Cato na kabilang sa mga nanood ng concert. Ayon sa consul general, ang ibang fans na dumalo ay galing pa ng Canada, Caribbean, at United Kingdom.

"SB19 did the Philippines proud this evening with their successful concert in Times Square that was packed by fans some of who came all the way from Canada, the Caribbean, and even the United Kingdom. Mabuhay ang SB19! Hoping to see you in Milan next year," sulat niya.

Kabilang sa mga kantang ipinerform ng SB19 ay ang "Mapa," "Hanggang Sa Huli," "What," at ang latest single nilang "WYAT."

Sa Twitter, ipinarating ng grupo ang kanilang pasasalamat sa lahat ng nanood at sumuporta sa kanilang world tour. Sulat ng SB19, "That show was definitely a blast! A huge thank you to all of you for coming. We hope that ain't the last. See you in the future!"

A slice of Big Apple? We finally got it! 🗽

That show was definitely a blast! A huge thank you to all of you for coming! 🙏 We hope that ain't the last. See you in the future!

Next Stop: LOS ANGELES#WYAT #WYATTourNY#WhereYouAtSB19 pic.twitter.com/2Wdjz6pOnR

-- SB19 Official 🇵🇭 (@SB19Official) November 6, 2022

Sunod na bibisitahin ng SB19 ang Los Angeles (November 12), San Francisco (November 18), at Singapore (November 27) na bahagi rin ng kanilang WYAT world tour.

MAS KILALANIN ANG P-POP BOY GROUP SB19 SA GALLERY NA ITO: