Musical inspired BL series 'Rainbow Prince,' mapapanood sa Heart of Asia Channel

Inihahandog ng Oxin Films at Heart of Asia Channel ang pinakabago nitong Boys' Love musical series, ang Rainbow Prince.

Pagbibidahan ito nina Adrian Dionisio bilang Prince Zeyn/Art, ang itinakdang prinsipe ng Zurbania, at Eurwin Canzana bilang Mikey Valencia, ang simple at masiyahing tourist guide mula sa Pilipinas.

Makakasama rin nina Adrian at Eurwin sa Boys' Love musical na ito sina Mel Martinez (Angel), Katarina Rumanova (Elena/Rose), Will Devaughn (Mr. Wang), Dovee Park (Madam V), Yani De Dios (Prince Malik), Valerie Bariou (Queen Zara); Apollo Abraham (Zafar); Leilani Kate Yalung (Livy); Ken Carpena (Ken); at Niko Librojo (Kevin).

Magsisimula ang kwento ng Rainbow Prince sa pagtakas ni Prince Zeyn mula sa nangyaring pag-atake sa kanilang palasyo sa Zurbania patungong Pilipinas, kung saan nagmula ang pinagkakatiwalaan niyang tauhang si Angel, isang Filipino OFW. Dito, makikilala niya si Mikey, isang tourist guide, na agad na napamahal sa kanya.

Sa natagpuang pag-ibig sa Pilipinas, paano kaya haharapin ni Prince Zeyn ang naiwang responsibilidad bilang susunod na hari ng Zurbania?

Abangan ang Rainbow Prince, soon sa Heart of Asia Channel.