Philippine King of Talk Boy Abunda, may exciting interview kay Vilma Santos
Around GMA
Around GMA
1 patay at 1 pa ang sugatan sa ambush sa Maguindanao del Sur Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Ayon kay Boy Abunda, ang panayam niya kay Star for All Seasons Vilma Santos ay kaugnay ng kanyang 60th showbiz anniversary.
Excited na ang tinaguriang Philippine King of Talk na si Boy Abunda sa kanyang one-on-one interview sa batikang aktres at Star for all Seasons na si Vilma Santos-Recto.
Sa isang panayam sa press kamakailan, ibinahagi ni Boy na magkakaroon siya ng panayam kay Vilma bilang bahagi ng selebrasyon ng kanyang 60th anniversary sa show business.
Aniya, "Vi [Vilma Santos] is celebrating her 60th anniversary in show business, tama ba ako? I'm doing her interview and I am excited. I am excited about it."
Bagamat maraming beses niya na ring nakapanayam si Vilma, ramdam pa rin ni Boy ang excitement sa muling pag-uusap nila ng aktres na matagal na ring hindi napapanood sa telebsiyon at pelikula.
Kuwento ni Boy, "I am doing a Vilma Santos interview. I've done Vi many times but this one is different, 'di ba? Parang looking back at her body of work in the last 60 years."
Hindi naman nakaligtas si Boy sa tanong ng press kung bukas din itong makapanayam ang kapwa multi-awarded actress gaya ni Vilma na si Nora Aunor, na ngayon ay kinikilala na rin bilang National Artist for Film.
Mabilis naman ang naging sagot ni Boy. Aniya, "I will interview Ate Guy [Nora Aunor] anytime. Yes, I will do, alam niyo namang nananalaytay sa aking dugo ang pagiging noranian pero sobrang respeto ko kay Vilma Santos."
Isa raw sa unang itatanong ni Boy kay Ate Guy ay, "Kumusta ka?"
Paliwanag niya, "Alam mo 'yang tanong na 'yan during COVID-19 [pandemic], naging mahirap. Ang hirap sagutin no? Hindi mo masabing, 'Okay.' Ako a, hindi mo rin pwede masabing, 'Okay,' dapat pagisipan.
"Dati napaka-cursory nung, 'Kumusta ka?,' 'I'm okay.' Ngayon, pag-iisipan mo talaga e."
Samantala, sa nasabing panayam, nagbigay din ng reaksyon si Boy tungkol sa umano'y network transfer niya.
Aniya, "That's not an easy decision. As of now as I talk hindi talaga madali, and hindi ako nagsisinungaling doon sa hindi ko pa alam."
"Pero maganda dahil I will make sure I don't burn bridges kung saka-sakali, matuloy man o hindi, kung saan man ako, TV5 or [GMA 7] or kung ano pang mga estasyon. I will make sure na makikipag-usap ako nang matino," ani Boy.
"I value relationships. That makes this whole process difficult," dagdag pa niya.
KILALANIN ANG MGA NAGING ALAGA NI BOY ABUNDA SA SHOWBIZ SA GALLERY NA ITO:
