Around GMA

Article Inside Page

Masayang masaya ang Kapuso actor na si Royce Cabrera dahil mapapanood na ngayong araw, December 7, ang pelikulang pinagbibidahan niya na Call Me Papi.

Bago pa mag-pandemic ay nagsimula na sina Royce na mag-shoot ng Call Me Papi, kung saan kasama niya sina Albie Casiño, Enzo Pineda, Lharby Policarpio, at Aaron Concepcion.

"Before pandemic pa, pre-pandemic pa ginagawa na namin 'to, tapos inabutan kami ng pandemic kaya nahinto. Tapos [sinubukan] naming gawin during pandemic, hanggang three years [na pala], ito na. Buti naman at talagang natawid namin," pagbabalik tanaw ni Royce sa premiere night ng Call Me Papi sa SM Megamall noong Biyernes, December 2.

Hand-picked ng namayapang direktor at producer na si Shandii Bacolod sina Royce at ang buong cast ng Call Me Papi.

"Ako dito si Lito, isang masipag na tao, talagang gagawin niya ang lahat para sa pangarap niya. So, papasukin niya ang iba't ibang trabaho na hindi alam ng barkada niya. Doon papasok 'yung conflict," paglalarawan ni Royce sa kanyang karakter.

"Dito sa Call Me Papi kasi, itong movie na 'to, magaan lang 'to, e. Barkada film, masaya, kaya dito, medyo nakakagalaw ako na minsan, 'yung ako, ako na mismo talaga ['yung karakter], wala akong masyadong pinapasan na ganun kabigat masyado.

"Masayang gawin, masaya lang."

View this post on Instagram

A post shared by Royce Cabrera (@royce.cabrera)

Mapapanood na ang Call Me Papi sa mga sinehan sa buong bansa. Bukod rito, mapapanood rin si Royce bilang si Jeff sa Start-Up Ph.

SAMANTALA, TINGNAN ANG ILANG HOTTEST PICTURES NI ROYCE DITO: