Alagang pusa ni Taylor Swift na si Olivia, isa sa richest pets sa buong mundo!

Ikatlo sa pinakamayamang hayop sa buong mundo ang alagang pusa ni renowned singer-songwriter Taylor Swift na si Olivia Benson.

Base sa balita ng All About Cats, umaabot sa $97 million, o mahigit PhP 5.4 billion, ang net worth ng fur baby ng kilalang popstar dahil sa social media. Ayon pa sa website, naging bahagi rin ng iba't ibang proyekto si Olivia.

“With a whopping $97 million net worth, Olivia has found success outside of the world of Instagram influencing. The Scottish Fold earned her fortune starring alongside her owner in several music videos, has crafted her own merchandise line, and has had cameos in many big-budget ads, including for the likes of Diet Coke and Ned Sneakers,” sulat ng All About Cats sa kanilang "The Ultimate Pet Rich List: the Richest Pets in the World."

Katunayan, napanood si Olivia sa ilang hit music videos ni Taylor Swift tulad ng “Blank Space” at “ME!” dahil sa kanyang cameos.

Number one naman na richest pet sa buong mundo ay ang German shepherd na si Gunther VI, na pagmamay-ari ng the Gunther Corporation.

Bukod kay Olivia, mayroon pang dalawang alagang pusa si Taylor na sina Meredith Grey at Benjamin Button.

Panoorin ang buong State of the Nation report sa video na ito.

SAMANTALA, SILIPIN ANG CUTE PETS NG ILANG CELEBRITIES SA GALLERY NA ITO.