Luis Manzano, umapela sa NBI para imbestigahan ang isang fuel company

Humingi ng tulong ang aktor na si Luis “Lucky” Manzano sa National Bureau of Investigation (NBI) para imbestigahan ang Flex Fuel Petroleum Corporation. Ito ay matapos lumapit sa kanya ang ilang investors nito para mabawi ang perang kanilang in-invest sa naturang kumpanya.

Sa isang statement na natanggap ng GMANetwork.com, nilinaw ng kampo ni Luis na hindi na siya konektado sa naturang kumpanya. Sa katunayan, ayon sa statement, may pagkukulang din ito sa kanya na aabot sa PhP66 million.

Nakasaad sa statement, “In a letter addressed to NBI Director Atty. Medardo De Lemos dated November 8, 2022, Manzano through his counsel, Atty. Regidor Caringal, clarified that he had 'resolved to divest his interest and resigned as chairman of the board' of several corporations in the ICM group headed by Chief Executive Officer Ildefonso "Bong" Medel, including Flex Fuel Petroleum Corporation.

“According to Caringal, 'various individuals claiming to be investors/co-owners of Flex Fuel have been reaching out to our client for assistance.'

“Caringal said that Manzano was appealing to the NBI 'to conduct an investigation on this matter' as Medel had failed to address the concerns of the said investors.”

Base sa affidavit ni Luis noong December 2022, inilahad niyang ginawa siyang “chairman of the boards” ng CEO ng ICM group na si Medel bilang isa sa paggagarantiya ng kanyang investment.

Gayunman, sabi ng aktor, “I never took part in the management of the business." Nag-resign na rin umano siya sa nasabing posisyon at dumistansya na sa ICM group companies, kabilang ang Flex Fuel, noong

Sabi ni Luis sa statement, "Bong conducted the business in such a way that operational matters were kept away from me." Sinabi rin niya walang anumang importanteng bagay na nabanggit sa kanya si Medel.

Matapos mag-resign noong February 2022, ayon sa statement, maraming investors umano ang lumapit kay Luis para matulungang mabawi ang kanilang investment mula sa kumpanya. Gayunman, sa kabila ng pakikipag-ugnayan ni Luis tungkol dito, wala umanong ginawang aksyon si Medel.

Sabi pa ni Luis sa statement, "Up to now, there are still individuals reaching out to me for help and assistance regarding their investments in Flex Fuel."

SAMANTALA, TINGNAN ANG ILANG CELEBRITIES NA NAGSIMULA NG BUSINESS NOONG KASAGSAGAN NG COVID-19 PANDEMIC: