'AraBella' teaser, may mahigit 1M views na sa loob ng 24 oras

Talagang inaabangan na ng mga manonood ang pagbabalik sa drama ng nag-iisang Camille Prats sa upcoming GMA Afternoon Prime series na AraBella.

Sa katunayan, may mahigit isang milyong views na ang teaser na iilabas ng programa kung saan ipinatikim na sa mga manonood kung ano ang dapat abangan sa AraBella.

Mapapanood sa plug ang pagbabalik ng tunay na anak ni Roselle (Camille Prats) na si Bella (Althea Ablan) sa saktong araw na ipinakilala ni Roselle si Ara (Shayne Sava) bilang legal na anak niya.

Ano kaya ang mangyayari kay Ara ngayong dumating na sa buhay ni Roselle si Bella? Papayag kaya ang dalawa na manirahan sa iisang bahay?

Panoorin ang world premiere ng AraBella sa February 27 sa GMA Afternoon Prime.

SAMANTALA, TINGNAN ANG MGA LARAWAN NOON AT NGAYON NG PAMILYA NI CAMILLE PRATS DITO: