Sanya Lopez, Ysabel Ortega at ilang Kapuso stars, ibinahagi ang kanilang summer plans

Ready for the summer na ang ilang Kapuso stars.

Si Mga Lihim ni Urduja star Sanya Lopez, nagpaplano raw ng beach trip.

Kaya naman ngayong pa lang inihahanda na niya ang kanyang beach outfits at sinisugurado rin niyang fit siya for the summer.

"At least 30 minutes sa treadmill, tatakbo ako or magwo-walk," bahagi ni Sanya.

Ipinaalala rin niya kung paano manatiling healthy ang balat kahit nagbababad sa araw.

"Ang sunscreen importante 'yan and moisturizer. Dapat uminom ka talaga ng maraming-maraming tubig," paliwanag ni Sanya.

Babalik naman daw sa kanyang hometown sa La Union si Voltes V: Legacy star Ysabel Ortega.

"Gusto kin rin mag-surf ulit kasi ang tagal ko nang hindi nagse-surf. Puwede ring mag-trekking, basta anything related sa outdoors," pahayag ni Ysabel.

Si beauty queen and actress Thia Thomalla, balak namang bisitahin ang kanyang pamilya sa Southern Leyte.

"Excited na ako kasi my sister is there with her kids. She's based in Germany so medyo sabay kaming mag-vacation. I haven't seen my parents for a year," kuwento ni Thia.

Isang mahalagang milestone naman sa buhay ni EA Guzman ang gusto niyang i-celebrate this summer. Ipagdiriwang kasi niya ang 10th anniversary with girlfriend and fellow Kapuso stars Shaira Diaz.

"Baka lang naman Bali or baka mag-Korea," bahagi niya tungkol sa travels plans nila ng kasintahan.

Marami ring dapat ipagdiwang si Kapuso comedian Buboy Villar ngayong summer. Balak daw niyang pagsabayin ang birthday celebration niya, pati na ang isang treat para sa mga empleyado ng kanyang food business.

"Mayroon kasi akong binubuong content for team building. Hindi ko pa naranasan 'yun as tanang buhay ko," masayang kuwento ni Buboy.

Panoorin ang buong ulat ni Aubrey Carampel para sa 24 Oras sa video sa itaas.

SAMANTALA, GET INSPIRATION FOR YOUR SWIMSUITS NGAYONG SUMMER SA MGA CELEBRITIES NA ITO: