Atom Araullo at isang 'Stand for Truth' feature, wagi sa 18th Lasallian Scholarum Awards
Around GMA
Around GMA
OFW recalls experience saving child and old woman from HK residential fire Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Atom Araullo at “Runaway Child Brides” ng 'Stand for Truth' ay kinilala sa 2023 Lasallian Scholarum Awards.
Isa na namang good news, mga Kapuso!
Nag-uwi ng parangal mula sa 2023 Lasallian Scholarum Awards ang Kapuso journalist at documentarist na si Atom Araullo at isang feature story ng Stand for Truth.
Ang tema ng 2023 Lasallian Scholarum Awards ay “Youth: Represent,” kung saan itinampok ang iba't ibang istorya na tumalakay sa mga isyu at paksa tungkol sa kabataan at edukasyon.
Nito lamang March 22, 2023, kinilala ng award-giving body si Atom bilang Outstanding Media Personality.
Ayon sa isang report, si Atom ang kauna-unahang nakatanggap ng ganitong award mula sa unibersidad.
Ang feature story naman ng Stand for Truth na pinamagatang “Runaway Child Brides: Ang Kuwento ng mga tumakas sa Buya” nina Lilian Tiburcio at Bryan Kristoffer Brazil ay naiuwi ang Outstanding Video Feature Story on Youth and Education Award.
Naganap ang awarding ceremony sa De La Salle University Manila Campus.
Samantala, noong January, humakot ng 28 na awards sa 2023 Platinum Stallion National Media Awards ang GMA Network.
Ilan sa pinarangalan dito ay ang GMA shows na 24 Oras, Abot-Kamay Na Pangarap, Maria Clara at Ibarra, at marami pang iba.
Congratulations, mga Kapuso!
SAMANTALA, SILIPIN ANG CAREER HIGHLIGHTS NI ATOM ARAULLO SA GALLERY SA IBABA:
