Original cast ng 'Pepito Manaloto,' pinuri ang mga gumanap sa prequel ng kanilang hit sitcom
Around GMA
Around GMA
State of the Nation Livestream: May 12, 2026 BFAR-11 steps up to help Davao City fisherfolk amid El Niño threat Here are the winners of The Miss Philippines 2026Article Inside Page
Showbiz News
Gumanap sa title role bilang young Pepito at Elsa sa 'Pepito Manaloto: Ang Unang Kuwento' sina Sef Cadayona at Mikee Quintos. Ano kaya ang masasabi ng OG cast members sa performance nila? Alamin DITO!
Sunod-sunod na papuri ang ibinigay ng original cast ng Pepito Manaloto sa lahat ng aktor na gumanap sa prequel na Pepito Manaloto: Ang Unang Kuwento.
Nasungkit ni Sef at Mikee ang title roles bilang Young Pepito at Elsa, samantala gumanap naman na young Patrick ang Sparkle heartthrob na si Kokoy de Santos. Bumida rin sa prequel sina Pokwang, Gladys Reyes, Archie Alemania, Angel Guardian, Jay Arcilla, at Kristoffer Martin.
Sa idinaos ng online media conference para sa new chapter ng well-loved Kapuso sitcom na magsisimula na sa June 11, sinabi ni John Feir na bilib siya sa performance ng cast ng prequel.
“At siyempre natutuwa rin po ako sa tinakbo ng istorya, maganda rin po 'yung pagkakatahi 'yung papunta dito sa gagawin namin na Tuloy Ang Kuwento,” sabi niya. “Kaya [motions to give two thumbs up] well-deserved po 'yung Unang Kuwento.”
“Ako po ay natutuwa at naipakita nila 'yung magandang storya ng Pepito, kasi 'yung hindi po nakakaalam sa storya namin nung pagkabata namin--dito po nakita ng mga tao.”
Hirit pa ni John tungkol kay Kokoy, “At malaki po ang kinatutuwa ko dito, 'yung gumanap na Patrick ay napakaguwapo [laughs].”
Ganito rin ang sentimyento ng seasoned actor and director na si Ronnie Henares. Sabi niya sa panayam sa kaniya ni Kapuso showbiz reporter Lhar Santiago, “Quite frankly, Lhar, they did a very-very good job. I thought that they were great. Good casting!”
Ayon naman sa magaling na Kapuso comedienne na si Chariz Solomon na gumaganap bilang Janice sa Pepito Manaloto, nakakatuwa na makita ng mabigyang ng “big break” ang mga kaibigan niya na sina Sef Cadayona at Mikee Quintos.
Paliwanag niya kay Lhar, “Ako siyempre sobra natuwa para kina Sef [Cadayona], kasi it's a big break for Sef having to portray the character of Pepito Manaloto and siyempre, para kay Mikee [Quintos], kasi they are good friends of mine.”
“And si Kokoy [de Santos] din, sobrang nag-pave ng way para sa kaniya for more opportunities 'yung Pepito Manaloto 'yung pagganap niya bilang Patrick.”
Hindi rin nakalimutan ni Chariz na magbigay pugay sa creative team ng high-rating Kapuso sitcom na nakaisip na gumawa ng isang prequel, para may maibigay na “bago” sa viewers, kahit nasa gitna tayo ng pandemya.
“Nakakatuwa and siyempre ako actually humanga ako, grabe lang doon sa creative team na kung paano nila naisip na gawin 'to. 'Yung ganun klaseng istorya, actually, nakakabilib talaga 'yung kung paano ginagawa 'yung Pepito Manaloto in general.” saad ng aktres.
“'Tapos, kung paano nila bali-baliin, para maging convenient, para sa lahat and also mabigyan ang viewers ng something new habang pandemic.”
