Around GMA

Article Inside Page

“Beauty to me is something that needs to age like wine.”

Iyan ang naging pahayag ng batikang aktres na si Pilar Pilapil tungkol sa kagandahan, at kung papaanong malaking factor nito ay edad ng isang tao.

Sa Fast Talk with Boy Abunda nitong Miyerkules, May 29, inalala ni Boy ang sinabi ng kapwa beauty queen ni Pilar na si Gloria Diaz na “99 percent of beauty is youth.” Ngunit ayon kay Pilar ay hindi siya sang-ayon dito.

“I remember those pictures that I had when I was very young and I didn't look as - this is my opinion, I look better when I was already older, not when I was very young, definitely,” sabi niya.

Noong kaniyang kabataan, hindi niya umano naramdaman na siya ay maganda siya kahit may ilang nagsasabi sa kaniya nito. Dagdag pa ni Pilar, marami pang pagdadaanan ang isang tao tulad ng pagiging broken hearted, problems, at struggles sa buhay bago maging masaya.

“It takes time to be happy. When you're happy, that's when you become beautiful,” pagbabahagi niya.

BALIKAN ANG NAGGAGANDAHANG FEMALE KAPUSO STARS NA NAGREYNA SA FLORES DE MAYO SA GALLERY NA ITO:

Iyon din ang gusto niyang sabihin pagdating sa pagiging magaling na aktor, at kung papaano nakakaapekto ang edad sa talento ng isang artista.

“It's not really the age that defines you as an actor, it's your talent that defines you as an actor, even as a person,” paliwanag ni Pilar.

Sa kaniyang 57 years showbusiness ay hindi pa niya nakukuha ang roles na alam niyang kaya niyang i-portray, base sa kakayahan niya. Dagdag pa ng batikang aktres, kaya pa rin niyang gampanan ang mga “real roles” na iyon hanggang ngayon.

“And if the producers are able to really know and to dig deeper into the capabilities of the actors, then they will have better actors and it will not have something to do with age,” sabi niya.

Samantala, inamin din ni Pliar na naging mabait naman ang showbusiness sa kaniya. Ngunit dagdag pa niya, “They can be kinder.”