Pops Fernandez, Jasmine Trias, iba pang celebrities, nagbigay ng suporta sa 'Make Your Marc'
Around GMA
Around GMA
PH aims to boost cruise tourism growth Dawn fire razes 7 houses in Estancia, Iloilo Japanese lifestyle brand unveils limited edition 'Evangelion' merch collectionArticle Inside Page
Showbiz News
Nagpakita ang ilang local at international stars ng kanilang suporta sa bagong show ng GMA Pinoy TV na ' Make Your Marc.'
Inilunsad noong March 24 ang pilot episode ng show na Make Your Marc sa international channel ng GMA Network na GMA Pinoy TV. Hosted ito ng two-time Emmy Award winner na si Marc Anthony Nicolas kung saan isusulong niya ang Global Pinoy trailblazers sa kani-kanilang industriya.
Mula sa pagiging producer ng mga kilalang international show tulad ng The Ellen De Genres Show, The Tyra Banks Show, The Kelly Clarkson Show, at The Talk, sasabak naman si Marc bilang isang host sa sarili niyang show.
Bilang suporta, hinikayat ng ilang local at international celebrities sa ilang mga video ang Global Pinoys na panoorin ang bagong TV show ni Marc sa GMA Pinoy TV.
Kabilang na rito ang Philippine Concert Queen na si Pops Fernandez na nagpahatid ng excitement at suporta sa bagong show ng award-winning producer. Sa video na pinost ng GMA Pinoy TV, sinabi niyang mayroong bagong show na dapat abangan sa GMA Pinoy TV.
“Make Your Marc on GMA Pinoy TV. My good friend, Marc Anthony Nicolas, is having a new show on GMA Pinoy TV. Please watch it, it is gonna be great. Make Your Marc, do not forget that. So see you soon Marc, congratulations. Make Your Marc!” ani Pops.
Nagbigay naman ng congratulations ang dating American Idol finalist na si Jasmine Trias sa batikang producer, at binati rin ang mga kababayan niya sa Pilipinas.
“Aloha, this is Jasmine Trias from American Idol and mabuhay to all my kababayans in the Philippines and around the world. As a proud Pinoy, I just love to see other Filipinos sharing their talent and making their mark,” sabi nito.
Dagdag pa ng singer, “I am so excited about a new show by my good friend, Marc Anthony Nicholas. Make sure you watch Make Your Marc on GMA Pinoy TV. Congratulations, Marc. So proud of you.”
BALIKAN ANG ILANG HOLLYWOOD CELEBRITIES AT PERSONALITIES NA MAY DUGONG PINOY SA GALLERY NA ITO:
Hinikayat din ng American Idol singer at songwriter na si David Archuleta ang mga manonood na abangan ang Make Your Marc sa GMA Pinoy TV.
Excited din ang American actor at TV host na si Jerry O'Connel para sa bagong show ni Marc, at nagbigay ng short pero sweet na mensahe, “Congratulations, Marc! We love you.”
Nagpakita rin ng suporta ang host ng The Talk na si Amanda Kloots, “I need you to watch Make Your Marc on GMA Pinoy TV. Congratulations, Marc. I love you so much. You are amazing.”
Abangan ang Make Your Marc, 4 p.m. (Pacific) / 7 p.m. (Eastern) sa GMA Pinoy TV.
