Around GMA

Article Inside Page

Kweens of Swag and Kilig Cuties ang magtatapat sa fresh episode ng Family Feud ngayong June 25.

Ngayong Miyerkules, mapapanood natin ang best and most popular collegiate volleyball players sa bansa. Sila ang magiging bahagi ng teams Volley Kweens at Volley Cuties sa Family Feud.

Mula sa Volley Kweens, tatayong leader si UAAP Season 87 Most Valuable Player and 1st Best Outside Spiker mula sa Ateneo Blue Eagles na si Kennedy Batas. Bahagi rin ng Volley Kweens si Josh Ybañez na mula sa University of Santo Tomas Golden Spikers at multi-awarded athlete na kinilalang Season 86 MVP and 1st Best Outside Hitter, at Season 85's MVP and Rookie of the Year. Kukumpleto sa kanilang team si Menard Guerrero na three-time Best Libero (Seasons 84, 86, and 87) mula sa De La Salle University, at ang UP Fighting Maroon Outside Hitter na si Angelo Lagando.

Magkakaalaman sa episode na ito kung mahuhusay sa paghula ng survey questions ang team Volley Cuties sa pamumuno ni Leo Aringo na isang key player mula sa five-peat champion NU Bulldogs and Season 87 Finals Co-MVP. Kabilang din sa Volley Cuties sina Eco Adajar na kinikilala bilang isa sa league's top setters mula sa DLSU Green Spikers; JV Estrada na model and rising middle blocker na bahagi ng CSB Blazers sa NCAA Season 101; at Rui Ventura na opposite hitter mula rin sa DLSU.

Break muna sa volleyball court ang ating players at samahan natin silang makihula at manalo sa pinakamasayang family game show sa buong mundo na Family Feud ngayong June 25!

“Lahat Panalo” sa Family Feud kaya subaybayan ang fresh episodes Lunes hanggang Biyernes, 5:40 p.m. sa GMA Network. Mapapanood din ang Family Feud sa GMA Network at Family Feud YouTube channel at sa Family Feud Facebook page.

Sa mga home viewers, huwag kalimutang sumali sa Guess to Win promo ng Family Feud para sa pagkakataong manalo ng PhP 20,000.