Sino kina Rayver Cruz, EA Guzman, at Alden Richards ang susunod na ikakasal?

Viral ngayon ang ilang videos ng aktor na si Joross Gamboa dahil sa tanong niya sa mga bachelor na kasama niya sa kasal nina Rodjun Cruz at Dianne Medina kahapon, December 21.

Sa Instagram Story, ibinahagi ni Joross ang ilang videos kung saan makikita tinatanong ang sarili, "Sino kaya ang susunod na ikakasal?" habang nasa background kanyang kaibigang celebrity bachelors na sina Alden Richards, Rayver Cruz, Matteo Guidicelli, Ea Guzman, at Ruru Madrid.

Sa unang video, sabi ni Jorross, "Ito ang next one," habang nakatutok ang camera kay Matteo Guidicelli. Sabay paling kay Rayver, "Or ikaw? Sino?"

Sagot naman ni Rayver, "Next in line, this guy," habang tinuturo si Matteo, na kamakailan lamang ay inanunsiyo ang engagement nila ni Sarah Geronimo.

Sa parehong IG story, tinanong din ni Joross ang Hello, Love, Goodbye co-actor niyang si Alden, "Ikaw, kelan?"

Hindi sumagot si Alden ngunit umakto itong nang parang nag-iisip habang nakangiti.

Sa isa pang video, tumapat naman si Joross sa celebrity couple na sina EA at Shaira Diaz at muling nagtanong, "Sino kaya ang susunod na ikakasal?"

Parehong namang natawa sina EA at Shaira habang umiiwas sa video ni Joross.

Sa sumunod na video, tinanong ni Joross ang dating Deadma Walking co-actor niyang si EA, "Sa tingin mo, sino kaya ang next?" sabay paling ang camera sa celebrity couple na sina Rayver at Janine Gutierrez, na natawa rin sa tanong ng aktor.

Hindi rin nakawala sa "Sino ang susunod na ikakasal?" video ni Joross ang Kapuso actors na sina Ruru Madrid at Bianca Umali.