Around GMA

Article Inside Page

Ang ating kauna-unahang gold medalist na si Hidilyn Diaz, hindi lang Olympic gold medal winner, kung hindi winner din ang love life.

Three years nang in a relationship si Hidilyn sa kanyang Half-Japanese, half-Filipino boyfriend and coach na si Julius Naranjo.

Sa guest appearance kamakailan nina Hidilyn at Julius sa 'Tunay na Buhay,' ibinahagi nila kay host Pia Arcangel ang kuwento ng kanilang pag-iibigan.

Kuwento ni Julius, una raw niyang nakilala si Hidilyn sa isang kompetisyon abroad.

“When I first met Hidy, I didn't really know that she was a silver medalist,” ani Julius. “I just thought she's a fellow Filipino I can meet 'cause I'm from Guam and I'm half-Filipino. So, I just thought it was, you know, great to meet people from the Philippines at a competition abroad.”

Dagdag pa ni Julius, talagang nabighani raw siya nang una niyang makita si Hidilyn.

“She looked very beautiful. She caught my attention. Couldn't stop smiling.”

Julius Naranjo ikinuwento ang first meeting nila ni Hidilyn Diaz / Source: Tunay na Buhay

Nang tanungin naman si Hidilyn ni Pia kung sino si Julius ba ang mas sweet sa kanila, sumang-ayon ang Pinay Olympic gold medalist.

“Yes po. Mas babae kaysa sa 'kin. (laughs) Mas maalaga. Ako kasi, wala. Sabi nga nila, 'Wala kang emosyon.'”

Ikinuwento rin ni Hidilyn ang sandaling talagang naramdaman niyang mahaba ang kanyang hair.

“Alam mo mas naging mahaba 'yung hair ko noong 2018. Kasi nagpaplano na 'ko pumunta sa China eh, mag-training sa China.

“Tapos bigla na lang na [sabi niya], 'Hindi. Magste-stay ako dito sa Manila na.' Sabi ko, 'Siraulo ka ba?'

“Oo, lalong humaba 'yung hair ko. Pero pinagalitan ko siya.

“Sabi ko, 'Ang ganda-ganda ng buhay mo diyan sa Guam. Bakit ka pupunta dito?'”

Sina Hidilyn Diaz at Tunay na Buhay host Pia Arcangel / Source: Tunay na Buhay

Ibinahagi rin ni Hidilyn kung paano niya naging coach si Julius.

“Kasi 'yung dati kong coach nung before the 2016 Olympics, nag-resign siya sa Philippine Sports Commission.

“So ayon. Siya pumasok. Sabi niya, “Ako, Ako magiging coach mo.' Sabi ko, 'Magaling ka ba?' (Laughs).”

Inamin ni Hidilyn na hindi siya agad-agad nagtiwala kay Julius bilang kanyang coach.

“Kahit sabihin na Exercise Science Major siya, naging coach siya, hindi ako basta-basta naniniwala. Kahit boyfriend ko 'yan, hindi. Hindi pwedeng ganun. 'Yung trust it takes time.”

Aminado rin si Hidilyn na hindi naging madali para kay Julius na maging girlfriend siya.

“Alam kong mahirap sa kanya. Nahirapan siya. Sobrang nahirapan siya.

“Masyado akong focused sa ginagawa ko eh. Masyado akong--'pag weightlifting, 'pag focused ako sa Olympics, sobrang focused ako sa ginagawa ko. And minsan parang sabi nga niya, 'Hindi normal ang relasyon natin.'

“Eh kasi siyempre coach and athlete, 'di ba? Kailangan na i-set aside 'yung pagiging boyfriend and girlfriend. Minsan 'yun nga, sobra akong stubborn as an athlete and as girlfriend."

Kaya naman nagpapasalamat daw si Hidilyn na si Julius ang kanyang naging nobyo.

“So, 'yun siguro 'yung swerte ako dun, na 'yun ang binigay sa 'kin ni God na taong makakaintindi sa 'kin at tutulungan ako.

Ayon naman kay Julius, may soft side rin naman daw si Hidilyn.

“She can be the sweet type, but she can also be the very aggressive personality because she's a strong woman and also her determination and sacrifices she makes.

At dagdag pa niya, maganda si Hidilyn kahit nakapang-training attire o naka-dress.

“Whether she's in her workout clothes or in a beautiful dress, she's still beautiful. It doesn't change. It's the same feeling.”

Panoorin ang masayang 'He said, she said” game na nilaro nina Hidilyn Diaz at Julius Naranjo sa 'Tunay na Buhay' video na sa itaas.

Para sa mas marami pang celebrity features tulad nito, panoorin ang 'Tunay na Buhay' tuwing Miyerkules, 11:30 p.m. sa Power Block ng GMA-7.

Maaari ring mapanood ng mga Kapuso abroad ang Mars Pa More sa GMA Pinoy TV. Para sa program guide, visit www.gmapinoytv.com.

Tingnan ang sweetest photos nina Hidilyn Diaz at Julius Naranjo sa gallery na ito.