Ejay Falcon at Jana Roxas, ikinasal na

Matapos ang pitong taong relasyon, ikinasal na ang StarStruck Season 3 alumna na si Jana Roxas sa aktor at Oriental Mindoro Vice Governor na si Ejay Falcon.

Isang Christian wedding ang naganap noong March 25 sa Enderun Tent, McKinley Hill, Taguig City, na dinaluhan ng pamilya at malalapit nilang mga kaibigan.

Sa araw rin na iyon, ibinahagi ng Nice Print Photo ang unang official wedding photos nina Ejay at Jana. Idinisenyo ng Filipino designer na si Mak Tumang ang wedding gown na isinuot ni Jana.

Sa TikTok video na ibinahagi ni Jude Marie Ignacio, ipinakita nito ang ilang pangyayaring naganap sa wedding reception nina Ejay at Jana.

@juudemariee congratulations & best wishes, Jana & Ejay 🥂 #anJANAsiEJAY ♬ original sound - Jude Marie Ignacio

Na-engage sina Ejay at Jana noong August 21, 2022. Nag-propose ang aktor kasabay nang pagsalubong sa kaarawan ni Jana kung saan naroroon din ang kanilang mga pamilya.

Congratulations and best wishes, Ejay and Jana!

TINGNAN ANG PRENUP SHOOT NINA EJAY AT JANA SA DUBAI RITO: