Rex Baculfo wows 'The Clash' judges with his concert performance
Around GMA
Around GMA
Top US Catholic cardinals question morality of American foreign policy Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
Inawit ng simpatikong bokalista na si Rex Baculfo ang "Writing's on the Wall" ni Sam Smith at "Believer" ng Imagine Dragons sa 'The Clash Concert' na ipinalabas noong Linggo, May 21.
Napa-wow ang Clash Masters na sina Julie Anne San Jose at Rayver Cruz sa performance ng The Clash 2023 contestant na si Rex Baculfo.
Inawit ng simpatikong bokalista ang "Writing's on the Wall" ni Sam Smith at "Believer" ng Imagine Dragons sa “The Clash Concert” na ipinalabas noong Linggo, May 21.
Lalong kinilig si Comedy Concert Queen Aiai Delas Alas sa mataas na falsetto ni Rex.
Nakakatawang komento niya, "Alam mo, Rex, sa totoo lang, 'yung 'Believer' favorite yan anak ko, 'yung 12 years old kaya 'yun ang isang sign na maging anak na lang ang turing ko sa 'yo."
Napa-"more" naman si Asia's Nightingale Lani Misalucha sa concert performance ni Rex.
Samantala, nagbigay naman ng constructive criticism si Asia's Romantic Balladeer Christian Bautista kay Rex.
Aniya, "Sa stances ng 'Believer,' don't just let go through it na like oh my god here's the rap part, so dapat lagyan mo pa rin s'ya ng konting angas 'cause the stanza is always part of the song, so thats one. So second. meron pa ring mga shaky parts."
Pagpuri naman ni Christian kay Rex, "Pero ang pinaka na-appreciate ko is you risk it all. Pinakita mo talaga yung lahat ng kaya mong magawa and there's confidence in you."
Panoorin dito:
Dahil sa ipinakita niyang galing, pasok si Rex sa final four ng The Clash 2023.
Bilang finalist, may tsansa siyang masungkit ang titulong fifth The Clash winner sa grand finale ng musical competition na magaganap ngayong Linggo, May 28, 7:50 p.m., bago ang KMJS sa GMA 7.
Maaari rin itong mapanood sa YouTube channel/Facebook page ng The Clash at Facebook page ng GMA Network kasabay ng pag-ere nito sa TV.
Para sa iba pang updates tungkol sa The Clash, bumista sa GMANetwork.com/TheClash o sa official social media pages ng programa.
Ang The Clash 2023 ay mula sa direksyon ni Louie Ignacio.
KILALANIN ANG FINAL FOUR CONTESTANTS NG THE CLASH 2023 SA GALLERY NA ITO:
