Around GMA

Article Inside Page

"Thankful at masaya" si Rhian Ramos sa lahat ng papuring natatanggap ngayon sa Royal Blood.

Patuloy na umaani ng papuri ang aktres dahil sa mahusay nitong pagganap bilang Margaret, ang religious at conservative na anak ng business tycoon na si Gustavo Royales (Tirso Cruz III).

Ilan sa papuring natatanggap ni Rhian mula sa manonood ng hit murder mystery series: "Deserve for Best Actress," "Napakahusay," "Halimaw sa aktingan."

"Of course, I'm very happy and I'm very flattered. Well, totoo naman po na I try to work hard and do my homework and know my lines and know the feelings pero sa totoo lang sinuwerte lang ako na ganito 'yung set namin--it's very welcoming, lahat kami were really trying to do our best, and I think kita naman din na it's not just me, everyone is really leveling up for their roles," sabi ni Rhian sa GMANetwork.com.

Dagdag ng aktres, "Sinuwerte ako sa magagaling na scene partners, sa mga directors naming napaka klaro mag-explain kung ano 'yung gusto nilang makita. And sa bawat tao rin po sa set na they really make us feel safe. Hindi mo mapi-feel ay nakakahiya 'yung gagawin ko or ayokong puntahan 'yung ganu'n ka wild kasi mukha akong ewan, 'di mo mapi-feel 'yun. Everyone is super teamwork."

Natutuwa rin si Rhian sa mga natatanggap na komento na "deserve" niyang magkaroon ng best actress award para sa performance sa Royal Blood.

"Sana po magkatotoo. Of course, sino ba naman may ayaw? Pero whether or not naman mangyari 'yun, I'm already very happy with the response on social media. Pati 'yung mga lumalapit lang sa akin when I go out... lumalapit sa akin sa mall na nakaka-connect sila, napi-feel nila 'yung mga nararamdaman ni Margaret, masayang-masaya na ako roon just making that connection," masayang sabi ng aktres.

Patuloy na subaybayan si Rhian bilang Maragret sa Royal Blood, Lunes hanggang Biyernes, 8:50 p.m. sa GMA Telebabad.

Mapapanood din ang Royal Blood sa Pinoy Hits, I Heart Movies, GTV (10:50 p.m.), at naka-livestream din sa Kapuso Stream.