Around GMA

Article Inside Page

Nilinaw ng dating aktres at ngayon celebrity mom influencer na si Rica Peralejo ang naging past relationship nila ng aktor na si Piolo Pascual.

Sa Fast Talk with Boy Abunda nitong Huwebes, April 11, napanood ang rare TV appearance ni Rica.

Sa kanilang kumustahan ng King of Talk na si Boy Abunda, napag-usapan ang 'di umano'y pase-settle down na sana noon nina Rica at Piolo kahit “no label” pa ang kanilang relasyon.

Paliwanag ni Rica, totoong nagkaroon sila ng mutual understanding ni Piolo pero hanggang doon lamang ito.

Aniya, “We existed and function like a couple talaga.There were talks of like…parang hindi naman diretso na magse-settle-down together ganiyan pero ano lang like any other couple ganun lang siya na maiisip mo na puwedeng mangyari ito.

“Pero he never naman promised, I never naman really said na I wanted this. It was just something that we entertained. It never got to that point and we never labeled our relationship but it was very good naman what we had together.”

Dagdag pa niya, “Wala kami talagang...parang we didn't put a label to it. I think it was very obvious that we liked each other, we loved each other, but we were like more friends really na we just like to be together a lot.”

Ayon pa kay Rica, hindi naman siya nag-assume noon sa naging relationship nila ni Piolo.

“Parang may mga hint here and there ng ganito. Ako naman ang aking habit no'ng single ako lalo, Tito Boy, was hindi ako assuming na kahit na nagpapahaging, hindi ko sasakyan until talagang in-offer na sa'yo completely. So I didn't really ride on that whenever I would here something and whenever I would feel something. Parang sa akin, maybe there is a possibility but let's see until it's really there.”

Samantala, kasal na si Rica sa kaniyang non-showbiz partner at Pastor na si Joseph Bonifacio. Sila ay may dalawang anak na sina Philip at Manu.

IN PHOTOS: Celebrities who married non-showbiz partners