Around GMA

Article Inside Page

Bibida ang Kapuso actor na si Royce Cabrera sa bagong episode ng real life drama anthology #MPK o Magpakailanman na mapapanood ngayong Sabado, February 6.

Gaganap siya rito bilang isang lalaking mapipilitang kumapit sa patalim para may maipangtustos sa pamilya.

Tampok din sa episode sina Neil Ryan Sese at StarStruck Season 7 Ultimate Male Survivor Kim De Leon bilang kanyang ama at kapatid.

Source: royce.cabrera (Instagram)

“Kwento 'to ng isang pamilya na hindi masyadong mayaman tapos umunlad 'yung buhay. Nung umunlad naman 'yung buhay nila, naging lasenggo 'yung tatay tapos 'yung nanay nagkaroon ng bisyo nag-drugs,” lahad ni Neil nang makapanayam ng 24 Oras.

“So 'yun naghirap ulit sila hanggang sa nawalan na ng choice 'yung anak namin nagtrabaho na siya bilang masahista,” dagdag pa niya.

Panganay na anak ang role ni Royce rito, “Bilang panganay si Makoy, kailangan niyang gumawa ng paraan sa mga pagsubok na dumating sa kanila. Pumasok siya bilang masahista. Dun din nagsimula 'yung mga pagsubok sa buhay ni Macoy,” aniya.

Si Kim naman ang gaganap bilang ang kanyang nakababatang kapatid.

“As Chikoy, nakababatang kapatid ni Makoy, maaapektuhan din po siya sa pagkasira ng family. Sa school medyo nagpabaya, napariwa, napabarkada na rin,” lahad niya.

View this post on Instagram

A post shared by Royce Cabrera (@royce.cabrera)

Samantala, bukod sa #MPK, tampok din ang Urian Best Actor nominee at Young Critics Circle Best Performance nominee sa online series na Section St. Valentine: The Disappearance of Divine at BxJ Forever.

Bukod dito, malapit na ring mapanood si Royce sa fantasy romance anthology na My Fantastic Pag-ibig at magsisimula na rin sa taping ng upcoming Kapuso drama na Nagbabagang Luha.

“Simula nung pumasok ako sa Kapuso, nabigyan ako ng sunud-sunod na mga project. Sobrang salamat po talaga sa Kapuso,” ani Royce.

Kilalanin si Royce Cabrera, ang newest Kapuso hunk sa gallery na ito:

Panoorin ang buong 24 Oras report DITO.