Around GMA

Article Inside Page

Sinimulan na ng lead cast ng upcoming action-packed series Lolong na sina Ruru Madrid at Shaira Diaz ang training para sa mga maaaksyong eksena nila rito.

Bagamat online ang kanilang training sa ngayon, marami naman daw natutunan sina Ruru at Shaira sa kanilang mga pinagdaanang ensayo.

“Kahit online training pa lang siya marami na kaming natutunan agad and at the same time, medyo ang hirap,” pahayag ni Shaira sa ulat ng 24 Oras nitong Miyerkules, November 11.

Dagdag pa ni Ruru, “Ang goal ng aming trainer 'yung form namin para at least once na nakasalang na kami sa TV or may mga fight scenes kami, 'yung form naming 'yung nangingibabaw.”

Bukod sa mga action scene, pinaghahandaan din nina Ruru at Shaira ang mga mabibigat nilang eksena sa serye, lalo pa at makakasabayan nila ang ilan sa mga hinahangaang personalidad sa industriya.

“To be honest, nakaka-pressure rin talaga. Medyo mataas talaga 'yung expectations ng mga tao, siyempre, magandang casting, ganyan,” ani Ruru.

Magkahalong kaba at excitement naman daw ang nararamdaman ni Shaira.

“Mas kinakabahan ako pero siyempre gaya ng sabi ni Ruru, excited na rin ako na may matututunan sa kanya,” aniya.

Samantala, nalalapit na rin ang pagsisimula ng lock-in taping ng Lolong.

Kung hindi mag-load nang maayos ang video sa itaas, maaari itong mapanood DITO.