Shaira Diaz, naiyak sa parating na plot twist ng 'Lolong: Bayani ng Bayan'
Around GMA
Around GMA
Bystander who tackled armed man at Bondi Beach shooting hailed as hero Visually impaired soldier promoted from captain to major Farm to Table: (December 14, 2025) LIVEArticle Inside Page
Showbiz News
Naiyak si Shaira Diaz nang mabasa ang parating na plot twist ng 'Lolong: Bayani ng Bayan.'
Maraming mga pagbabago ang nakatakda sa primetime action-adventure series na Lolong: Bayani ng Bayan.
Una na itong nabanggit ng bidang si primetime action hero Ruru Madrid.
Ngayon naman, inamin ng kanyang co-star at leading lady na si Shaira Diaz na naging emosyonal siya nang malaman ang magiging takbo ng kuwento ng kanilang serye.
"Nagbabasa ako ng script, tapos nagulat ako sa plot twist ng Lolong. Dapat abangan nila 'yan. Pero siyempre, abangan muna nila kung makakatakas ba si Lolong, kung paano niya masusugpo 'yung kasamaan," lahad ni Shaira.
"At si Elsie, makakaalala ba? Hanggang kelan ba siya [walang maalala]. 'Yung memorya niya ay wala pa din," dagdag pa niya tungkol sa karakter niya sa programa.
Photo: shairadiaz_ (Instagram)
Samantala, sa ika-siyam na linggo ng Lolong: Bayani ng Bayan, nauubos na ang oras ni Lolong (Ruru Madrid) para maibalik sa Isla Pangil ang Ubtao, isang sagradong hiyas na nakakapagpagaling.
Kung hindi niya ito maibabalik sa lalong madaling panahon, lahat ng taong pinagaling ng Ubtao ay mamamatay.
Patuloy na tumutok sa dambuhalang adventure serye na Lolong: Bayani ng Bayan, Lunes hanggang Biyernes, 8:00 p.m. sa GMA Prime.
May delayed telecast din ito sa GTV, 9:40 p.m. at maaaring panoorin online sa Kapuso Stream.
Panoorin ang buong ulat ni Aubrey Carampel para sa 24 Oras sa video:
