Around GMA

Article Inside Page

Lubos ang saya ng Sparkle talents na sina Shuvee Etrata at Charlie Fleming na patuloy na tinutukan ng viewers ang kanilang GMA Prime series na 'The Master Cutter.'

Undeniable na number one sa puso ng taumbayan ang 'The Master Cutter' na consistent sa pagtala ng double digit ratings sa primetime slot.

Sa panayam ng 24 Oras kay Shuvee Etrata na gumaganap bilang Cebuana beauty na si Tonet, umamin siya kay Aubrey Carampel na may mga pagkakataon na challenging ang mga eksena niya kasama ang lead star nila na si Mr. Dingdong Dantes.

“Kung alam mo lang kung gaano ka-challenging 'yung mga ganung acting with Kuya Dong, kasi sobrang nahihiya ako sa kanya. Pero sa tuwing nababasa ko 'yung script, tinatanong ko, 'seryoso ba 'to?” Sabi ni Shuvee kay Aubrey.

Dagdag niya, “He's gonna make me feel comfortable, parang lahat naman 'to para talaga mapaganda 'yung show.”

Tinawag naman ni Charlie Fleming na 'one big happy family' ang set nila sa 'The Master Cutter' at wala raw pinagkaiba ang magandang samahan na nakikita ng audience on and off cam.

Paliwanag ng mestiza actress, “Kasi kung ano po talaga 'yung relasyon namin na pinapakita sa serye, ganiyan din sa totoong buhay. Ganiyan po talaga kami, minsan nagsasama-sama po kami sa isang malaking tent, kumakain kami.”

Bilib din si Charlie sa two young co-stars nila sa serye na sina Sienna Stevens na pino-portray si Ibyang at si Ericca Laude na gumaganap naman bilang si Janine.

May ni-reveal din ang former Pinoy Big Brother housemate kung sino sa dalawang chikiting ang certified 'prankster.'

“They are such amazing actors po talaga kahit batang-bata pa po sila.” Kuwento ni Charlie sa Chika Minute.

“Alam n'yo po si Janine na yan, si Ericca- may saltik din talaga yan, prankster talaga yan siya sa set. So, kahit kami pinagtitripan [niya kami]. Ako, pinag-tripan din niya ako magdadala siya ng mga fake rat, fake cockroach. Tapos, ilalagay niya sa gamit ko.”

Panoorin ang simulcast airing ng 'The Master Cutter' sa GMA, GTV, Heart of Asia, and I Heart Movies sa oras na 8:00 p.m..

RELATED CONTENT: 'The Master Cutter actresses' with unmatched face cards