Sofia Pablo at Allen Ansay, bibida muli sa 'Regal Studio Presents'
Around GMA
Around GMA
Localized thunderstorms to bring rain over Metro Manila, rest of PH — PAGASA Creating with the boundless soul of an artist Singapore Oceanarium spotlights native seahorses through exclusive guided experienceArticle Inside Page
Showbiz News
Ang "Mind the Gap" ang pangalawang episode na pagbibidahan nina Sofia Pablo at Allen Ansay sa 'Regal Studio Presents'
Magbabalik ang tambalan nina Sparkle Sweethearts Sofia Pablo at Allen Ansay sa bagong episode ng weekend anthology series na Regal Studio Presents.
Ang episode na "Mind the Gap" ang pangalawang beses na paglabas nila bilang lead stars matapos ang matagumpay na pilot episode na "Raya Sirena" na nagkaroon pa ng spin-off series.
Mas challenging at mature ang roles nina Sofia at Allen sa "Mind the Gap."
Gaganap si Sofia bilang Yuki, isang dalagang may intellectual disability kaya tila parang bata pa rin ang asal at kilos niya.
Si Allen naman ay si Ian, isang troubled young man na dinala sa bahay ng kanyang lola bilang parusa sa pagiging pasaway niyang estudyante. Dito niya makikilala si Yuki.
Sa una, hindi magugustuhan ni Ian na nais maging malapit sa kanya ni Yuki pero tila mapapalapit ito sa isip-batang dalaga dahil sa kabutihan nito sa kanya.
Abangan ang kakaibang story na bibigyang-buhay nina Sofia at Allen sa brand new episode na "Mind the Gap," July 17, 4:35 p.m. sa Regal Studio Presents.
