Around GMA

Article Inside Page

Hindi maitago ni Sofia Pablo ang kanyang excitement dahil malapit nang magsimula ang lock-in taping ng pinagbibidahan niyang teleserye na Prima Donnas kasama sina Jillian Ward at Althea Ablan.

Magbabalik na kasi si Sofia bilang Donna Lyn sa ikalawang season ng Prima Donnas na mapapanood sa GMA Afternoon Prime.

"Gusto ko pong ituloy 'yung hindi ko naipakita na istorya ni Len-Len and ngayon, talaga pong makakaasa 'yung mga tao na worth it 'yung pag-aantay nila kay Len-Len," saad ni Sofia sa panayam ni Lhar Santiago sa 24 Oras.

Bukod sa pagbabalik ni Sofia, dapat din abangan sa Prima Donnas Season 2 sina Allen Ansay at Bruce Roeland.

Sa naunang panayam kay Sofia, nagbigay siya ng patikim kung ano ang aasahan ng mga manonood kay Donna Lyn.

Saad niya,"Ipapangako ko sa inyo, nandito na ako ulit para pangitiin kayo, or kahit paiyakin kayo."

"My character is very different kung ano ako nung Book 1, talagang mas naging matapang."

Tingnan ang post na ito sa Instagram

Isang post na ibinahagi ni Sofia Pablo (@sofiapablo)

Bago ang Prima Donnas Season 2, mapapanood sina Sofia, Allen, at Bruce sa ikalawang istorya ng Regal Studio Presents na Raya Sirena bukas, September 18, 8:30 p.m. sa GMA.