
Kasalukuyang nagre-rerun ang award-winning Kapuso telefantasya na Encantadia sa GMA Primetime.
Sa November 18 (Miyerkules) episode nito, nilason ni Avria (Eula Valdez) ang alak na iinumin sa kanilang piging sa Lireo upang sabay-sabay na niyang mapagbagsak ang mga Sang'gre.
Ngunit bago matuloy ang kaniyang binabalak, matutuklasan ng Barbarong si Wahid (Andre Paras) ang lason sa mga alak kaya't mababalaan niya ang mga diwata. Ngayon ay sisiyasatin ni Danaya (Sanya Lopez) ang may pakana ng lahat ng ito.
'Wag palampasin ang bawat tagpo sa Encantadia, gabi-gabi sa GMA Primetime, pagkatapos ng 24 Oras.