Around GMA

Article Inside Page

Isang kakaibang tapatan ang mapapanood sa Family Feud ngayong Miyerkules dahil maghaharap ang disciplined professionals ng AFP Dental Service at ang mga viral content creators na Bicolano vloggers.

Maglalaro sa Team Dental Service ang representatives ng Armed Forces of the Philippines na may commitment sa oral health ng troops at kanilang mga pamilya.

Pangungunahan ni Maj. Jean Salazar, DS mula Imus, Cavite ang Team Dental Service. Bukod sa pagiging dental officer, mahilig din siya sa film photography at practical shooting. Kasama rin niya si Maj. Ervin Nebres, DS ng Malolos, Bulacan na certified sports enthusiast dahil hilig ang basketball, pickleball, at running.

Makikibahagi rin si Maj. Hiroshi Kakumoto, DS ng Cavite, na bukod sa kanyang military duties ay anime fan at gamer din. Kukumpleto naman sa kanilang team si Cpt. Jan Argyle Hudencial, DS ng Nueva Ecija na mahilig magbasa at maglaro ng badminton.

Hindi rin magpapahuli ang Team Bicolano Vloggers na kilala sa kanilang nakakaaliw at viral online content. Pangungunahan sila ni Jerome Martinez Davis o Boss Ka Reppa, na may mahigit five million followers sa social media at former Lyceum of the Philippines University NCAA basketeer.

Kasama rin niya si John Arnie Ramirez o Boss Jar na sumikat dahil sa kanyang mga viral street interviews at comedy skits na swak sa Bicolano humor. Kabilang din sina Mary Joy Abellano, ang content creator mula Legazpi City na minahal ng maraming followers dahil sa kanyang relatable charm, at si Peter Paul Paterno mula Daraga, Albay na kilala rin bilang comedian at vlogger.

Abangan ang masayang sagutan, tawanan, at matinding labanan sa fresh episode ng Family Feud ngayong July 22, 5:35 p.m. sa GMA at sa Kapuso Stream.

Huwag kalimutang sumali sa “Guess More, Win More” promo ng Family Feud! Manood lamang ng Family Feud para sa pagkakataong manalo ng papremyo araw-araw. Tutok na Lunes hanggang Biyernes sa Family Feud para sa kabuuang detalye.