
Humanda sa maangas at maaksyon na world premiere ng The Master Cutter, ang pinakabagong primetime series ng multi-awarded actor at host na si Dingdong Dantes.
Kaabang-abang ang GMA Prime series na ito na ipapalabas sa darating na May 11 na dinirehe ng respetadong TV director na si Dominic Zapata.
Ngayong Martes, May 5 ipinasilip naman ang grand billboard ng serye na makikita sa GMA Network Center along EDSA-Timog area.
RELATED CONTENT: The stellar career of Kapuso Primetime King Dingdong Dantes
Makakasama ni Dingdong sa much-awaited project na ito sina Sparkle actress Max Collins at Pinoy Big Brother Celebrity Collab Edition housemate Shuvee Etrata.
Magdadagdag din ng ningning sa primetime viewing n'yo ang iba pang celebrities tulad nina Charlie Fleming, Jo Berry, Sienna Stevens, Paolo Contis, Anthony Constantino, Polo Ravales, Ketchup Eusebio, Prince Carlos, at Max Eigenmann. Makakasama rin ang mga seasoned actors na sina Tonton Gutierrez, Joey Marquez, at Rio Locsin.
Bukod sa GMA at GTV airing nito, puwede rin mapanood ang The Master Cutter sa Netflix na simula nang mai-istream sa darating na Biyernes, May 8.