'The Road' ni Alden Richards, tampok sa I Heart Movies
Around GMA
Around GMA
NAPC seeks bigger workforce to roll out 2026 programs Lake Holon to close temporarily starting January 3, 2026 Farm to Table: (December 28, 2025) LIVEArticle Inside Page
Showbiz News
Abangan ang 'The Road,' starring sa I Heart Movies ngayong linggo.
Isang kakaibang pagganap mula kay Asia's Multimedia Star Alden Richards ang mapapanood ngayong linggo sa digital channel na I Heart Movies.
Tampok kasi ang kanyang pelikulang The Road sa January 26, 8:00 p.m. sa Pinoy Movie Date.
Sa psychological horror crime drama film na ito, gaganap si Alden bilang isang misteryosong binata na tutulong sa magkapatid na nasiraan ng sasakyan sa isang liblib na kalye.
Para sa kanyang pagganap sa The Road, nakatanggap si Alden ng nominasyon para sa New Movie Actor of the Year sa 2012 PMPC Star Awards for Movies at isa pang nominasyon para sa Breakthrough Performance by an Actor sa 2012 Golden Screen Awards.
Para naman sa mga hopeless romantic, huwag palampasin ang Imagine You and Me, ang first starring film ng tambalan ni Alden at ni Phenomenal Star Maine Mendoza, matapos ang supporting roles nila sa pelikulang My Bebe Love.
Dahil sa pelikulang ito, hinirang si Alden bilang Prince of Philippine Movies 2016, habang si Maine naman ang Princess of Philippine Movies 2016 sa 48th GMMSF Box-Office Entertainment Awards.
Pinarangalan din ang tambalan nila ng Gawad Dangal ng Kabataan (Honor Award of the Youth) sa 19th Gawad PASADO Awards noong 2017.
Nabingwit din ng kantang Imagine You and Me na inawit nina Alden at Maine ang Movie Original Theme Song of the Year sa 33rd PMPC Star Awards for Movies noon ding 2017.
Maaari n'yo na ring balikan ang kanilang nakakakilig na eksena dito dahil ipalalabas ito sa January 27, 8:00 p.m. sa Pinoy Movie Date.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available din ito sa iba pang digital televisions receivers.
