Around GMA

Article Inside Page

Nakamit ni Kapuso actress Jo Berry ang kanyang first ever acting award habang gumaganap sa hit GMA Telebabad series na Onanay.

Hinirang siya bilang Most Promising Female Star For Television sa 50th Box Office Entertainment Awards ng Guillermo Mendoza Memorial Scholarship Foundation (GMMSF).

Ginanap ito noong March 24, 2019 sa Star Theater, CCP Complex, Pasay City.

Lubos ang pasasalamat ni Jo sa mga manonood ng Onanay at sa mga taong nagtiwala sa kanya.

"Dahil po ito sa pagmamahal nyo sa akin! Thank you Lord! Maraming salamat po sa bumubuo ng 50th Box Office Entertainment Awards sa GMA na nagbigay sa akin ng oportunidad, sa pamilya at mga kaibigan ko na laging nakasuporta, sa Onanay fam at sa lahat po ng buong pusong tumanggap kay Onay. Mahal ko po kayo!" sulat niya noon sa kanyang Instagram account.

View this post on Instagram

Dahil po ito sa pagmamahal nyo sa akin! Thank you Lord! Maraming salamat po sa bumubuo ng 50th Box Office Entertainment Awards sa GMA na nagbigay sa akin ng oportunidad, sa pamilya at mga kaibigan ko na laging nakasuporta, sa Onanay fam at sa lahat po ng buong pusong tumanggap kay Onay. Mahal ko po kayo! 😊

A post shared by Jo Berry (@thejoberry) on Feb 13, 2019 at 8:39pm PST

Matapos ang Onanay, sumabak naman si Jo sa una niyang pelikula na Kiko en Lala, kung saan mayroon siyang supporting role.

Matapos nito, bumalik siya sa primetime sa seryeng The Gift kasama si Asia's Multimedia Star Alden Richards.

Unang umere sa GMA Telebabad ang Onanay mula August 6, 2018 hanggang March 15, 2019.

Muli itong napapanood ngayon sa GMA Afternoon Prime bilang bahagi ng espesyal na enhanced community quarantine programming ng GMA.

Patuloy na tumutok sa Onanay, Lunes hanggang Biyernes, 3:20 pm sa GMA Afternoon Prime.