Around GMA

Article Inside Page

Sino mag-aakala na sa kabila ng ngiti at saya na hatid ng Bubble Gang comedienne na si Tuesday Vargas sa mga fan at televiewer ay humaharap ito sa matinding pasubok.

Ito ay ang mga sakit na dumapo sa kaniyang long-time partner na si Joseph Puducay.

Sa panayam ni Ogie Diaz sa latest vlog nito, binalikan niya ang taong 2020 na 'tila bumago sa buhay nila ni Joseph, kung saan na-diagnose ang kasintahan ng ilang rare disease.

View this post on Instagram

A post shared by Tuesday Vargas (@tuesday_v)

Pagbabalik-tanaw ni Tuesday, “Actually, matagal bago kami naka-reach ng diagnosis as in hindi namin mawari ano ba nangyayari, 2020, December 28 to be exact. Galing kami ng post-Christmas party sa bahay nila nagko-complain siya na nangangasim 'yung stomach niya. So, akala namin GERD (Gastroesophageal reflux disease).

“Dinala ko na sa ER, kasi grabe raw talaga masakit daw talaga 'yung tiyan niya. Ini-ECG (Electrocardiogram) kasi nahirapan siya huminga, so akala heart. Hindi naman, so binigyan lang ng antacid and we were sent home.”

Malaking pagtataka raw nila na hindi gumagaling si Joseph, kahit ginagamot niya ito. Lahad ng komedyante, “For a few months nag-a-antacid lang, 'pag maasim ang tiyan, pero hindi nare-resolve, kasi dapat saglit lang 'yun, 'di ba.”

Dito inisa-isa ni Tuesday ang mga sakit na tumama sa partner tulad ng: nutcracker syndrome, nerve compression syndrome at meron din si Joseph na mitral valve prolapse.

Ibinahagi rin ng actress-singer ang sakit ng boyfriend na superior mesenteric artery syndrome (SMAS).

Paliwanag niya kay Ogie, “So, 'yung artery niya na nagko-connect sa lahat ng digestive organs niya ay mahaba, so lundo ang tiyan, kaya ipit, kaya ang bagal ng pagdumi, pag-digest, kumbaga ang pakiramdam daw niya, 'pag pinapa-describe ko kay Joseph is para siyang buntis na hindi madumi, hindi makakain ng maayos kahit gusto niya. Parang lagi siyang busog, kaya ang payat-payat niya ganun.

“Maganda appetite niya, hindi lang niya naa-absorb, may malabsorption problem din siya. Hindi niya naabsorb 'yung nutrients ng pagkain as well as normal people like us.”

Mahirap man ang kanilang kalagayan ngayon, patuloy pa ring pinapalakas ni Tuesday ang loob ni Joseph na malalampasan niya ang mga hamon na ito.

Saad niya, “Tapos any chance I get to make him smile, 'yun na nagpapatawa na lang ako. Pinapagaan ko na lang, kasi kung parehas kaming lugmok sa lungkot wala din kaming patutunguhan.”

Naging bukas din sa pagbabahagi si Tuesday kung paano nagsimula ang relasyon nila ni Joseph na sumali noon sa talent competition na To The Top.

Bukod doon, ikinuwento rin niya kay Ogie ang hiwalayan nila ng dating asawa na si Coy Placido.

“I actually didn't make this public before, pero I got separated from my husband. For 14 years, we were together and it didn't work out, so he went back to his parents. And now, he's with somebody else, he has a kid already.

“And I'm happy for him, how his life turned out. I'm pretty okay being alone just, being with my son and living a simple life- showbiz, bahay, nanay, artista. Ganun na po 'yung buhay ko.”

Pagpapatuloy ni Tuesday, “Tapos po, bumalik ako sa teatro kumbaga 'yung una kong love kasi, minessage po ako ni Direk Joel Lamangan thru Tito Douglas Nierras na, 'Oh, may production kami bubuuin, perfect ka doon sa isang role. Mag-try ka uli mag-theater'.”

“Sobrang, nare-revive 'yung passion ko for performing and I met Joseph through that production and very early on, ano kami, jive kami, we laugh at the same things. Tapos bilang komedyante mahirap ka din patawanin, 'di ba?

“Napapatawa niya ako, which is very hard na nangyayari.”

Ramdam daw ni Tuesday ang suporta sa kaniya ng partner at buong pagmamalaki niyang sinabi na napakabuting tao nito.

“Nakita ko na napakabuti niyang tao. Ang busy kasi, e, ng buhay natin e. Minsan ungodly hour na umuuwi tapos ang demanding niya kasi pinu-pull ka on different sides.

“Hindi siya nagre-reklamo, pinagmamaneho niya ako, binubuhat ang mga gamit ko. Nakikipagkaibigan sa mga kaibigan ko sa trabaho, hindi nahihiyang makipag-tsikahan na hindi ko nararanasan sa mga dati kong karelasyon na mahalaga 'yun sa akin… I found somebody that is actually very supportive of my own endeavors, and at the same time, who's proud of what I have accomplished,” ani Tuesday.

PINOY CELEBRITIES' NA MAY RARE MEDICAL CONDITION:

embed:

ID: 113 46

https://www.gmanetwork.com/entertainment/celebritylife/health/11346/in-photos-pinoy-celebrities-na-may-rare-medical-conditions/photo