Vanessa Peña, ikinuwento ang pinaka-memorable na experience bilang isang Kapuso
Around GMA
Around GMA
Lalaking nagpatong ng mga bubuyog sa ulo, bakit hindi na-sting? | GMA News Feed Miss Universe PH delegates stun in their Miss Photogenic shots GMA Pictures finds Ella Arcangel voice talent, teases netizens to guess who it isArticle Inside Page
Showbiz News
Ano kaya ang hindi malilimutan na karanasan ni Sparkle actress Vanessa Peña bilang isang Kapuso? Alamin dito.
Napanood ang Sparkle star na si Vanessa Peña sa unang suspenserye ng GMA na Widows' Web, kung saan binigyang buhay niya ang karakter bilang Nikki Suarez.
Ayon sa aktres, ito ang pinaka-memorable experience niya bilang isang Kapuso artist dahil nakasama niya sa nasabing serye ang mahuhusay na mga aktres tulad nina Carmina Villarroel-Legaspi, Vaness Del Moral, Ashley Ortega, at Pauline Mendoza.
“'Yung na-cast ako sa Widows' Web as Nikki Suarez. Iyon 'yung pinaka, pinaka-memorable kasi 'yung mga kasama ko ro'n sina Miss Carmina [Villarroel], Ms. Vaness Del Moral, Ms. Ashley Ortega, and si Ms. Pauline Mendoza.
“Sobrang mabibigat na artista pero hindi ko na-feel 'yung pressure na 'yon kasi nasa likod ko sila na gina-guide nila ako. 'Yun po 'yung pinaka-memorable and thankful ako ro'n,” kuwento niya sa exclusive interview ng GMANetwork.com.
Bukod dito, bahagi rin si Vanessa ng bagong youth-oriented group ng Kapuso Network na Sparkada.
Kabilang sa nasabing grupo sina Saviour Ramos, Roxie Smith, Anjay Anson, Cheska Fausto, Jeff Moses, Michael Sager, Kirsten Gonzales, Kim Perez, Caitlyn Stave, Vince Maristela, Dilek Montemayor, Raheel Bhyria, Tanya Ramos, Larkin Castor, Lauren King, at Sean Lucas.
Ibinahagi naman ng teen actress ang nadiskubre niya tungkol sa kapwa Sparkada members.
“'Yung kapag kunwari may tampuhan ganyan, pinag-uusapan talaga namin. Pinag-uusapan namin kasi literal na hinihila namin 'yung isa't isa pataas,” aniya.
MAS KILALANIN PA SI VANESSA PEÑA SA GALLERY NA ITO.
