
Pagkatapos makilahok sa Pinoy Fiesta and Trade Show sa Toronto, bumiyahe naman papuntang Vancouver si Kapuso Primetime King Dingdong Dantes para makisaya sa Pista ng Bayan 2019.
Naki-bonding ang StarStruck host kasama ang libu-libo nating kababayan sa Vancouver Art Gallery sa Canada.
Dito kumanta ng iba't ibang hit OPM songs si Dingdong tulad na lang ng kantang “Pare Ko” ng Eraserheads.
Pagkatapos, nakilala rin niya ang kaniyang mga taga-hanga sa isang meet and greet event.
Dingdong Dantes performs for his fans in Vancouver, Canada
Sa kaniyang Instagram, nagpasalamat ang aktor sa lahat ng dumalo at pinangakong babalik siya muli.
Aniya, “Maraming salamat @gmapinoytv at nabigyan niyo ako ng pagkakataong makita, makausap, at makilala ang mga kapuso natin sa Vancouver at Toronto. Hanggang sa muli! #ILoveMyJob”
Ang Pinoy Fiesta and Trade Show at Pista ng Bayan 2019 sa Canada ay ilan sa events na hatid ng GMA Pinoy TV para sa overseas Filipino workers.
Panoorin ang buong chika ni Iya Villania:
WATCH: Dingdong Dantes feels at home in Toronto, Canada