Around GMA

Article Inside Page

Kinakikiligan ng viewers at netizens ang pairings o love teams sa loob ng Bahay Ni Kuya sa Pinoy Big Brother Celebrity Collab Edition 2.0.

Bukod sa kanila, tila shipper na rin ng isa sa mga ito ang ex-housemate ng teleserye ng totoong buhay na si Waynona Collings.

Sa pagbisita ni Waynona sa Kapuso Artistambayan, sinagot niya ang tanong kung sino sa pairs sa iconic house ang kinakikiligan niya.

Dito ay binanggit niya ang mga pangalan ng housemates naisini-ship ngayon ng marami- ang AshRave, sina Ashley Sarmiento at Rave Victoria.

Pahayag ni Waynona, “Nung nasa loob ako [ng Bahay Ni Kuya], cute nung friendship ni Ashley [Sarmiento] and Rave [Victoria]. I love their friendship.”

“Pareho silang jolly, pareho silang fun. Their personalities are the same. So, cute 'yung friendship nila,” paglalarawan niya sa Sparkle star na si Ashley at Star Magic artist na si Rave.

Samantala, ang kasabay ni Waynona bilang first evictees sa pinakabagong season ng Pinoy Big Brother ay si Reich Alim.

Huwag palampasin ang susunod na updates tungkol sa Pinoy Big Brother Celebrity Collab Edition 2.0.

Mapapanood ang reality competition ng live sa GMA at Kapuso Stream, weekdays, 9:40 p.m., Sabado, 6:25 p.m., at Linggo sa oras na 10:05 p.m.

Maaari ring subaybayan ang mga kaganapan sa loob ng Bahay Ni Kuya sa All-Access Livestream ng Pinoy Big Brother Celebrity Collab Edition 2.0 na mapapanood sa link na nasa ibaba.

Related gallery: Meet the 20 housemates of 'Pinoy Big Brother Celebrity Collab Edition 2.0'