Around GMA

Article Inside Page

Makulay ang Miyerkules dahil Masters of Visual Performance ang makikisaya sa Family Feud.

Ngayong April 29, dalawang grupo ang maghaharap at magpapasaya pa sa pagpapakita ng kanilang performance at talento.

Ang Team Art-ificial ay binubuo ng mga beterano at talented mime artists at human statues. Pinangungunahan sila ni Rommel Sumalinog, na mas kilala bilang “Toyro,” na kilala bilang human statue performer mula pa noong 2019. Kasama niya sina Julieto Bartido o “Drawman,” na may 11 taon nang karanasan sa industriya; Gerald Udtuhan o “Ka Moron,” ang seasoned artist na may kakaibang estilo sa performance; at si Rodel Bartido o “Pinturados,” na may 21 taon nang beteranong performer.

PHOTO SOURCE: Family Feud

Ang Team Masskara naman ay grupo ng freelance dancers and multi-talented entertainers na kilala sa kanilang galing sa entablado. Maglalaro sa Family Feud si Daniel Yabut o “Potpot,” ang team captain na content creator din at chicken breeder. Makakasama niya ang skilled dancers na sina Johndel Panganiban, Lery Melgar, at Cjhay Purtogaliza.

Abangan ang kanilang exciting Wednesday showdown sa fresh episode ng Family Feud ngayong Miyerkules, April 29, 5:35 p.m. sa GMA at sa Kapuso Stream.

Patuloy pa rin ang mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, Encantadia Chronicles: Sang'gre at Never Say Die.