Around GMA

Article Inside Page

Noong lunes, sa isang Instagram post, inilabas ng Sparkle GMA Artist Center ang poster ng bagong vertical drama na pinamagatang, 'Babae sa Bintana'.

Matapos ang pagganap nina Michael Sager at Ysabel Ortega sa unang vertical drama na 'A Masked Billionaire Stole My Heart', tampok naman sa bagong vertical drama na ito ang Kapuso actress na si Andrea Torres at ang “Nation's Son”, Will Ashley.

Sa poster ng series, ipinapakita ang isang duguang kurtina kung saan makikita ang mukha ni Andrea, bahagya itong nakatabing sa mukha naman ni Will.

“She's the dream he can't stop watching. She's also the nightmare he can't escape”: nakasulat sa caption ng naturang post mula sa Sparkle.

View this post on Instagram

A post shared by Sparkle GMA Artist Center (@sparklegmaartistcenter)

Kasama nina Will at Andrea sa seryeng ito ang ilan sa mga artista katulad nina Olive May, Jan Marini, at Karenina Haniel.

Mapapanood ang vertical drama series na ito sa Bingo Plus app.

Matapos ang matagumpay na stint ni Will sa PBB Celebrity Collab Edition, tuloy-tuloy ang naging takbo ng project para sa young actor.

Bibida si Will sa ilan sa mga pelikulang pasok sa 51st Metro Manila Film Festival na 'Love You So Bad' kasama sina Dustin Yu at Bianca de Vera, at 'Bar Boys: After School' kasama naman ang ilang stars tulad nina Glaiza de Castro at ang 'Nation's Mowm' na si Klarisse de Guzman.

Sa kabilang banda, lumabas naman si Andrea Torres sa hit primetime series na 'Encantadia Chronicles: Sang'gre' bilang si Ayeshka. Matatandaang bumida rin siya sa GMA Afternoon Prime series na 'Akusada' bilang si Carol.