Will Ashley, nagsimula nang mag-shoot para sa 'Bar Boys 2'
Around GMA
Around GMA
12-hour brownout in areas of Iloilo City set on Dec. 7, 2025 How Innovation is Transforming Healthcare Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
Tingnan ang pasilip ni Will Ashley sa isang eksena niya sa 'Bar Boys 2' dito:
Wala pang isang linggo matapos lumabas matapos ang Big Night ng Pinoy Big Brother: Celebrity Collab Edition, sumabak na agad sa trabaho ang housemate na si Will Ashley para sa shooting ng pelikulang Bar Boys: After School.
Ang Bar Boys: After School ay sequel sa 2017 comedy-drama film na Bar Boys. Ang pelikulang ito ni Kip Oebanda ay tungkol sa apat na magkakaibigan na nag-aaral ng abogasya. Bumida rito sina Rocco Nacino, Carlo Aquino, Enzo Pineda, at Kean Cipriano.
Sa Facebook, inihayag ni Will kung gaano siya kasayang magsimula ng shooting para sa pelikula. Kalakip nito ang litrato ng Sparkle star kayakap ang kaniyang co-star na si Therese Malvar para sa isang eksena.
“After 4 months, so happy to be back on set for Bar Boys 2! Sharing a scene with one of my favorite actresses @ThereseMalvar for my first scene, ” caption ni Will sa kanyiang post.
Sa post naman ng Facebook page ng pelikula ay winelcome nila ang bagong stars na sina Will, Therese, at ang social media star at comedian na si Sassa Gurl.
SAMANTALA TINGNAN ANG EXTRA CHARMING CASUAL LOOKS NI WILL SA GALLERY NA ITO:
Sa hiwalay na post noong June 29, ibinahagi din ng sa social media page ng pelikula ang tungkol sa karakter ni Will na si Arvin. Ayon sa post, gagampanan ng Kapuso actor ang karakter niya na isang working student na sinusubukang balansehin ang buhay ng isang law school student at trabaho.
“Together with his OFW mother, they are the breadwinners of the extended family. He started out as the "gifted child." Talented, smart and exceptional. He could have been more if he had more,” saad ng caption sa post.
Pagpapatuloy pa nito, “Unfortunately, the world is not fair to those who don't have the money. Instead, upon reaching law school, he falls behind.”
Ngunit kahit matindi ang naging dagok sa buhay ni Arvin ay nanatili itong malakas at determinado parra bigyan ng magandang buhay ang kaniyang pamilya.
Ibinahagi rin sa post na nag-audition si Will para sa role dalawang linggo bago siya napasok sa Bahay ni Kuya.
