Around GMA

Article Inside Page

Ibinahagi ng Kapuso actress na si Yasmien Kurdi ang kanyang karanasan sa lock-in taping ng ikatlong storya ng drama-anthology na I Can See You na pinamagatang "The Promise."

Kasama ni Yasmien sa lock-in taping sa Cavinti, Laguna sina Benjamin Alves, Paolo Contis, at Maey Baustita.

“Okey naman, nakakapanibago 'yung feeling kasi kakaiba siya, medyo weird,” kuwento ni Yasmien nang kumustahin ni Nelson Canlas sa 24 Oras.

“Minimal crew, minimal 'yung movements, ang daming restrictions when it comes to the scenes.

“Tapos may safety officers kami na sasabihin 'yung dos and don'ts, 'yung mga pwede sa taping at hindi pwede sa taping.”

Dagdag ni Yasmien, hindi masyadong challenging ang kanyang karakter sa serye at mas nahirapan siya sa new normal pagdating sa taping.

Aniya, “Walang assistant-assistant, walang ganun.”

“For artista nga, we do our own makeup, we do our own hair, kami magdadala ng gamit namin, walang PA-PA.”

Sa pagbabalik ni Yasmien sa kanilang tahanan, kailangan niyang mag-self quarantine ang kanyang sarili upang makasiguradong hindi siya nakakuha ng virus.

“Kunwari pag sisilip lang sila or something, naka-mask ako the whole time pero sabi ko, as much as possible, wag na lang [sila pumunta],” saad ni Yasmien.

“Naka-ayos na 'yung room na everything na ako lang.”

Abangan sina Benjamin Alves, Paolo Contis, Yasmien Kurdi, at Maey Baustista sa ikatlong kuwento ng 'I Can See You' na 'The Promise.' / Source: yasmien_kurdi

Magsisimula ang I Can See You sa kuwentong pinagbibidahan nina Asia's Multimedia Star Alden Richards, Jasmine Curtis-Smith, at Pancho Magno na "Love On The Balcony" sa September 28 sa GMA Telebabad.