Around GMA

Article Inside Page

Maraming netizens ang pumuri sa nakaka-inspire na soundtrack ng Gen Z series na MAKA, na inilabas noong Martes, September 10.

Bukod sa inspiring nitong lyrics, nagustuhan din ng netizens ang nakaka-relax nitong melody at sweet voices ng cast ng MAKA na sina Zephanie, Dylan Menor, Ashley Sarmiento, John Clifford, Olive May, Sean Lucas, at Chanty Videla, na silang kumanta ng soundtrack. Ang "MAKA" ay nilikha ni Natasha L. Correos.

Komento ng ilang netizens sa theme song, "Love the song waiting for live performance soon" and "Ang ganda ng soundtrack hindi nakakasawang pakinggan."

Tampok sa MAKA ang kuwento ng high school students sa Arts & Performance (A&P) section ng Douglas Mac Arthur High School for the Arts o MAKA, kung saan matutunghayan ang ilang relatable issues na kinakaharap ng mga Gen Z at ang kanilang pakikisalamuha sa ibang henerasyon tulad ng millennials, Gen X, at boomers.

Bibida sa MAKA ang Sparkle stars na sina Zephanie, Dylan Menor, Marco Masa, Ashley Sarmiento, John Clifford, Olive May, Sean Lucas, Chanty Videla, at May Ann Basa. Makakasama rin sa teen show ang seasoned actor na si Romnick Sarmenta, na gaganap bilang ang gurong si Sir V.

Abangan ang MAKA, simula September 21, 4:45 p.m. sa GMA.

KILALANIN ANG CAST NG MAKA SA GALLERY NA ITO: